馬太福音

章 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

第一章 耶穌基督的家譜

1這是耶穌基督的家譜:耶穌是大衛的後代,大衛是亞伯拉罕的後代。2亞伯拉罕生以撒,以撒生雅各,雅各生猶大及伊的兄弟。3猶大對她瑪生法勒斯及謝拉,法勒斯生希斯崙,希斯崙生亞蘭,4亞蘭生亞米拿達,亞米拿達生拿順,拿順生撒門,5撒門對喇合生波阿斯,波阿斯對路得生俄備得,俄備得生耶西,6耶西生大衛王。 大衛對烏利亞的某生所羅門,7所羅門生羅波暗,羅波暗生亞比雅,亞比雅生亞撒,8亞撒生約沙法,約沙法生約蘭,約蘭生烏西亞,9烏西亞生約坦,約坦生亞哈斯,亞哈斯生希西家,10希西家生瑪拿西,瑪拿西生阿摩司,阿摩司生約西亞。11以色列人受遷徙去巴比倫的時,約西亞生耶哥尼亞及伊的兄弟。12受遷徙去巴比倫以後,耶哥尼亞生撒拉鐵,撒拉鐵生所羅巴伯,13所羅巴伯生亞比玉,亞比玉生以利亞金,以利亞金生亞所,14亞所生撒督,撒督生亞金,亞金生以律,15以律生以利亞撒,以利亞撒生馬但,馬但生雅各,16雅各生約瑟,約瑟是馬利亞的丈夫;彼個稱做基督的耶穌是對此個馬利亞生的。17按呢,對亞伯拉罕到大衛攏總有十四代,對大衛到受遷徙去巴比倫有十四代,對受遷徙去巴比倫到基督嘛有十四代。

耶穌基督的出世

18耶穌基督出世的經過是按呢:伊的老母馬利亞已經及約瑟定婚,猶未結婚就對聖神懷孕。19伊的未婚夫約瑟是正直的人,無愛互伊佇人的面前見笑,想欲暗中解除婚約。20伊啲想此個代誌的時,佇眠夢中,主的天使對伊出現,講:「大衛的後代約瑟,呣免驚,著娶馬利亞入門做某,因為伊所懷孕的篩是對聖神來的。21伊會生一個查甫子,你著給伊號名叫做耶穌,因為伊欲救伊的子民脫離怹的罪。」22這一切的事發生是欲應驗主託先知所講的話:23你看,在室女會懷孕生子,伊的名欲叫做以馬內利。 「以馬內利」的意思是「上帝及咱同在」。24約瑟一下睏醒,就照主的天使所吩咐娶馬利亞入門做某,25不過此個查甫子猶未出世以前無及馬利亞同房。嬰仔出世,約瑟就給伊號名叫做耶穌。

馬太福音

章 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Please publish modules in offcanvas position.