羅馬書

章 1 2 3 4 5 6 7 8 9 10 11 12 13 14 15 16

第一章  請安

  1我是基督耶穌的奴僕保羅,奉上帝選召作使徒,特派來傳伊的福音。2此個福音是上帝早前通過伊的眾先知記佇聖經的應允。3此個福音是啲講起伊的子咱的主耶穌基督:對人性來講,伊是大衛的後代;4對聖潔的神性來講,上帝互伊對死人中復活,用大能力顯明伊是上帝的子。5阮對伊得著恩賜作使徒,為著基督的名欲互萬民信來順趁,6嘛包含恁諸個受選召歸屬耶穌基督的人。7我寫此張批互恁所有住佇羅馬,上帝所疼,所選召作伊信徒的人。 願咱的父上帝及主耶穌基督賜恁恩典及平安!

感謝的祈禱

  8代先,我通過耶穌基督為著恁眾人感謝我的上帝,因為恁的信德已經傳遍全世界。9我宣揚伊的子的福音,用心靈啲服事彼位上帝通給我作證,我常常數念恁,10不時佇祈禱中懇求上帝照伊的好旨意給我開路,互我無久就會當順利去恁遐。11我真愛見恁,通及恁分享屬靈的恩賜,互恁堅強;12就是我到恁中間的時,恁通過我的信仰,我通過恁的信仰,互相得著鼓勵。13兄弟姊妹,我真愛恁知,我真多遍計劃欲去恁遐,通及佇其他外邦人的中間仝款,嘛佇恁中間收成一寡果子,呣拘到今猶有阻擋。14無論什麼款人,開化抑是未開化的,有智慧抑是無智慧的,我攏欠怹的債。15所以,我迫切向望嘛會當將福音傳互恁佇羅馬的人。

福音的大能力

  16我無看福音做見笑,因為此個福音是上帝的大能力,欲拯救所有信的人,代先猶太人,後來外邦人。(11.16「外邦人」 原文是 「希臘人」。)17因為此個福音有啟示上帝的義,此個義對頭到尾攏是通過信來得著。照聖經所記載:「義的人會對信來活。」(21.17此句嘛通譯做 「對信來成做義的人會活。」)

人類的罪

  18上帝對天頂發出受氣,譴責所有不虔不義的人;怹的不義阻擋人識真理。19因為上帝有對怹顯明伊本身,所以怹應該對上帝有清楚的認識才著。20對創世以來,肉眼看?著的上帝永遠的大能力及神聖,通過受造的物會當清楚看見,所以怹攏?當推責任。21因為怹雖然識上帝亦無尊重伊做上帝,嘛無給伊感謝;怹的思想反轉變做空空,心思愚戇,充滿烏暗。22怹自稱聰明,其實愚戇。23怹無將榮光歸互呣死滅的上帝,反轉去拜會死滅的人、飛鳥、禽獸、蟲檤等的像。24所以,上帝出在怹趁家己心內的慾望去做無清氣的代誌,致到彼此蹧躂家己的身體。25怹用虛假替換上帝的真理。怹敬拜,服事被造物,無敬拜彼位造物主 — 伊才應該永遠得著稱讚。阿們!26因為按呢,上帝出在怹放縱通見笑的肉慾:查某人及查某人用違反自然的性關係代替及查甫人自然的關係;27查甫人嘛仝款放拺及查某人自然的性關係,彼此慾火攻心;查甫人及查甫人做見笑的代誌,結果著受變態的行為該受的報應。28既然怹無真正認識上帝,上帝就出在怹的心思敗壞,去做無應該做的代誌。29怹充滿逐款的不義、歹心、貪心、惡毒、滿心怨妒、謀殺、鬥爭、奸詐、陰謀、講尻脊後話、30誹謗、怨恨上帝、侮辱人、驕傲、誇口、製造是非、忤逆父母、31無明理、無守約、無情、無憐憫。32怹雖然知,照上帝公義的判斷,做諸個代誌的人應該死;怹呣若家己做,甚至嘛贊成別人按呢做。

羅馬書

章 1 2 3 4 5 6 7 8 9 10 11 12 13 14 15 16

Please publish modules in offcanvas position.