哥林多前書

章 1 2 3 4 5 6 7 8 9 10 11 12 13 14 15 16

第一章

  1受召作基督耶穌的使徒。我及咱的兄弟所提尼2寫批互佇哥林多上帝的教會,就是許個及佇逐所在呼叫咱的主耶穌基督的名,及基督耶穌結連受召作信徒歸屬上帝的人;基督是怹的主,嘛是咱的主。3願咱的父上帝及主耶穌基督賜恁恩典及平安!

通過基督得著的祝福

  4我時常為著恁啲感謝我的上帝,因為伊通過基督耶穌賜恁恩典,5互恁通過基督逐項得著富足,充滿逐款口才及智識。6基督的信息已經佇恁中間堅固建立,7互恁攏無欠什麼恩賜,聽候咱的主耶穌基督顯現。8伊嘛會互恁堅固直到最後,佇咱的主耶穌基督的日無通嫌。9上帝是信實,伊呼召恁,欲互恁及伊的子咱的主耶穌基督結連。

教會的分裂

  10兄弟姊妹,我奉咱的主耶穌基督的名勸恁大家,講話著一致;恁中間嘛呣通分裂。著團結,有像款的想法及共同的目標。11我的兄弟姊妹,革來怹兜的人有對我講起恁中間有紛爭。12我按呢講是因為恁中間意見紛紛;有的講「我屬保羅」;有的講「我屬亞波羅」;有的講「我屬彼得」;嘛有的講「我屬基督」。13基督竟然互人分割啦!保羅豈有替恁釘死佇十字架?恁豈有奉保羅的名領受洗禮?14感謝上帝,基利司布及該猶以外,我無給恁中間什麼人洗禮。15按呢無人會當講,恁有奉我的名領受洗禮。16有啦,我嘛有給司提法那一家的人洗禮,其他有給別人洗禮抑無,我?記得。17基督無差我給人洗禮,是欲傳福音,呣是用智慧的言辭傳,才免互基督的十字架失去效力。

基督是上帝的大能力及智慧

  18十字架的信息,對許個向滅亡啲行的人是愚戇,不過對咱諸個向得救啲行的人是上帝的大能力。19因為聖經有記載:我欲消滅智慧的人的智慧;我欲棄拺聰明的人的聰明。 20按呢智慧的人佇叨位?經學教師佇叨位?此世代的雄辯家佇叨位?上帝已經互此世間的智慧變做愚戇啦!21既然世間人?當靠家己的智慧認識上帝,上帝就對伊的智慧歡喜用阮所傳愚戇的信息來拯救信伊的人。22猶太人求神跡,希臘人尋智慧,23不過阮宣揚釘十字架的基督。此個信息對猶太人是阻礙,對外邦人是愚戇,24呣拘對上帝所揀召的人,無論是猶太人抑是希臘人,此個信息是上帝的大能力,是上帝的智慧。25因為上帝的愚戇比人較智慧,上帝的軟弱比人較勇壯。26兄弟姊妹,著會記得上帝呼召恁的時,照人的標準,恁中間無偌多人有智慧,無偌多人有能力,無偌多人屬上流階級。27上帝故意用世間人看做戇的代誌來互巧的人見笑;上帝用世間人看做弱的代誌來互強的人見笑。28上帝用世間人所藐視,看呣起的代誌來破壞人所看重的代誌;29按呢世間就無人會當佇上帝的面前誇口。30呣拘上帝互恁及基督耶穌結連,互基督成做咱對上帝來的智慧,互咱及上帝有合宜的關係,成做上帝聖潔的子民,閣得著自由。31照聖經所記載:「欲誇口的人著誇口主。」

 

哥林多前書

章 1 2 3 4 5 6 7 8 9 10 11 12 13 14 15 16

Please publish modules in offcanvas position.