提摩太後書

章 1 2 3 4

 

 

 

 

 

 

 

 

 

 

 

 

 

 

 

 

 

 

 

 

 

 

 

 第一章

  1我是保羅,奉上帝的旨意作基督耶穌的使徒,來傳上帝所應允因為及基督耶穌結連才有的活命。2我寫批互我所疼的子提摩太。願父上帝及咱的主基督耶穌賜你恩典、憐憫,及平安!

感謝及鼓勵

  3我感謝我及列祖仝款用清氣的良心敬拜的上帝。我暝日祈禱的時數念你無煞。4我想著離別的時你啲流目屎,就真愛見你,通互我充滿歡喜。5我記得你有純真的信心;此個信心你的外嬤羅綺及你的老母友妮基先有,我相信現在你嘛有。6因為按呢,我提醒你,我給你按手的時上帝互你的恩賜,著互伊親像火閣?起來。7因為上帝互咱的呣是驚惶的心靈,是氣力、仁愛,及自制的心靈。8所以,為著咱的主做見證呣通感覺見笑,嘛呣通因為我為著主做囚犯來感覺見笑;著照上帝所賜的氣力為著福音及我做夥受苦。9上帝救咱,揀召咱做伊家己的子民,呣是根據咱的行為,是照伊家己的旨意及恩典。此個恩典佇萬世以前通過基督耶穌賜互咱;10此個恩典現在通過咱的救主基督耶穌的顯現已經實現。基督已經毀滅死亡,閣通過福音將袂敗壞的活命顯明出來。11為著此個福音,上帝任命我做傳道者、使徒,及教師。12所以我才啲受苦。總是我無感覺見笑,因為我識我所信的上帝,嘛深信伊會保守伊所交託我的直到彼個日。(11.12「會保守伊所交託我的…」 嘛通譯做 「會保守我所交託伊的…」。 )13著用你對我聽著許個健全的道理做模樣,堅持咱及基督結連來得著的信心及仁愛。14著顧守通過踮佇咱內面的聖神交託互你的美好的信息。15你知,佇亞西亞的人攏背叛我,其中有腓吉路及黑摩其尼。16願主憐憫阿尼色弗一家的人,因為伊常常給我鼓勵,無因為我掛鐵鍊感覺見笑,17顛倒到羅馬的時拍拼尋我尋到著。18願主互伊佇彼個日得著憐憫!伊佇以弗所赫呢哿服事我,你真清楚。

提摩太後書

章 1 2 3 4

Please publish modules in offcanvas position.