箴言

章 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

第一章

1箴言的價值大衛的子,以色列王所羅門的箴言。2諸個箴言會互人得著智慧及教示,理解深奧的道理;3會互人受教示,用智慧辦代誌,實踐公義、公正,及公平。4諸個話會互戇直的人有靈巧,互少年人有智識,會曉分別事理;5會互有智慧的人聽了加添學識,互聰明的人得著真的見識;6會互人明白箴言及譬喻,了解智慧的人的話及寓言。7敬畏上主是智識的根本;愚戇的人藐視智慧及教示。8對少年人的勸告我的子啊,著聽老父的教督;呣通棄拺老母的教示。9因為諸個話會做你頭殼頂的花冠,做你頷頸的金鍊。10我的子啊,歹人若引誘,呣通隨伊。11怹若講:「及阮鬥陣來去,來去埋伏刣人,當等無辜的人,來給刣。12咱親像陰府來給怹活活吞落去;怹會親像陷落深坑的人互咱歸個吞落去。13咱會當得著逐款的財物,所搶的囤滿咱的厝。14你來加入阮的黨,搶來的財物大家攏有份。」15我的子啊,呣通隨怹去,著約束你的腳無踏入怹的路。16因為怹趕欲做歹,急欲刣人。17佇鳥仔的目睭前設羅網,所做無採工。18怹埋伏欲害人,反轉害著家己,當等欲傷人,顛倒傷著家己。19不擇手段取得財利,結局一定失去家己的性命。20智慧的呼聲智慧佇街路大聲啲叫,佇市場口大聲啲喝;21佇鬧熱的街路頭大聲啲叫,佇城門口 (11.21 「城門口」 當時嘛用做處理糾紛,裁決案件的所在。*)大聲講:22「戇直的人愛戇直欲偌久? 藐視智識的人愛藐視智識欲偌久? 愚戇人厭惡智識欲偌久?23我責備恁,恁若聽趁,我欲對恁吐露我的心意,互恁明白我的話。24我叫,恁呣聽;我邀請,無人反應;25恁無視我一切的勸誡,呣肯接受我的責備。26所以,恁抵著患難,我欲冷笑;恁抵著驚惶,我欲恥笑。27當驚惶親像狂風吹來,災禍親像捲螺仔風掃來,患難痛苦臨到恁,28彼時恁欲求叫我,我呣聽,迫切尋我,尋?著。29因為恁厭惡智識,無愛敬畏上主,30呣聽我的勸誡,藐視我的責備,31所以恁會食家己所種的歹果子,家己計謀的惡果食甲飽閣厭。32戇直的人會互家己的固執害死;愚戇的人會因為自滿致到滅亡。33呣拘聽趁我的話的人會安穩徛起,免驚災禍,享受平安。」

 

箴言

章 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Please publish modules in offcanvas position.