約翰三書

章 1

約翰三書

第一章  請安

  1我 — 長老寫批互親愛的該猶;你是我真心所疼的。2親愛的朋友,我祝你萬事亨通,嘛祝你身體健康,親像你的心神赫呢勇壯。3有幾個信徒來,給我證實你對真理忠誠,事實你一直有啲實行真理,我非常歡喜。4聽著講我的子兒有啲實行真理,無一項比這閣較互我歡喜。

稱讚該猶

  5親愛的朋友,你有忠實接待信徒,特別是出外人。6怹曾佇會眾面前證實你的疼心。請你照上帝所歡喜的,幫贊怹繼續怹的旅程。7因為怹為著基督的緣故出外傳道,攏無對未信者接受什麼。8所以咱有義務接待此款的人,互咱通為著真理成做同工。

狄特腓及底米特

  9我曾寫批互教會。可惜,愛欲做教會領袖的狄特腓呣接納我。10所以,我若去,欲講起伊所做用歹話誹謗攻擊阮的代誌。呣若按呢,伊本身呣接待信徒,甚至阻擋願意接待的人,閣給怹革出教會。11親愛的朋友,呣通學歹,著學好。作好的屬上帝;作歹的呣曾看見上帝。12眾人攏稱讚底米特;真理本身嘛為著伊作證。阮嘛為著伊作證;你知阮的見證是真實。

最後的請安

  13我猶有真多話愛寫,呣拘無愛用紙筆。14我向望無久會見著你,咱才當面來講。15願你平安!你的朋友攏給你請安。請替我給咱的朋友一個一個請安。

約翰三書

章 1

Please publish modules in offcanvas position.